Scanned Latin text - no translation:
SACRA PAENITENTIARIA APOSTOLICA
APUD CIVITATEA VATICANA
N 481/83-1 Romae, die 4 iulii 1983
Admodum Reverende Pater,
Ad hanc Sacram Paenitentiariam pervenerunt litterae, a Reve rentia Tua die 21 elapsi mensis iunii datae, quibus agitur de Indulgentiis Anni Sancti usque ad completum annum 1984 prorogandis pro fidelibus concurrentibus ad Nationale Sanctuarium Beatae Mariae Virginis Domine Nostrae, extans in loco Walsingham, Dioecesis Angliae Orientalis.
Ad rem hoc Sacrum Dicasterium hac ipsa die qua litterae pervenerunt respondere festinat:Concessio prorogationis Indulgentiae Anni Sancti qua talis petenda est ab Ipso Summo Pontifice Personaliter, et ideo litterae precum, si quidem mittendae erunt, mitti debent per tramitem Secretariae Status. Sed iam nunc Sacra Paenitentiaria, Apostolica Auctoritate sibi collata, potest concedere munus Indulgentiae Plenariae, pro tempore a Reverentia Tua indicato, et ob sollemnia conexa cum quinquagesimo anniversario a restauratio ne praedicti Sanctuarii: scilicet potest concedere spiritale Indulgentiae beneficium titulo non Anni Sancti sed celebrationum propriarum Sanctuarii. Et ne tempus necessario longius decurrat, praesentibus litteris iam addit Rescriptum quo Indulgentiae pro sollemniis Sanctuarii conceduntur, sub condicione approbationis ex parte Excellentissimi Episcopi Dioecesani. Ita confidit Sacra Paenitentiaria laudando zelo pastorali Excellentissimi Episcopi et Reverentiae Tuae desideratum auxilium praebuisse, et animabus fidelium istius Nationis divinae largitatis emolumentum copiose suppeditasse.
Grata erit Sacra Paenitentiaria Paternitati Tuae admodum Reverendae si, post acceptas has litteras, cum adnexo Rescripto, humanissime rescribere velit utrum facta concessio votis exhibitis satisfecerit, an directa postulatio Beatissimo Patri necessaria visa fuerit.
Hanc occasionem nactus, impensos religiosi obsequii mei sensus Tibi libenter pando meque profiteor
Paternitati Tuae admodum rev.dae addictissimum in Domino famulum
Unknown